معكرونة بالباشاميل واللحمة المفرومة على طريقة حماااتي ❤❤❤ جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة.
- 500 غرام لحمة مفرومة
- بصلتين
- جزرة
- فليفلة
- زيت
- بهار
- فلفل اسود
- ملح
- كمون
- كيلو معكرونة قلم
- 0.5 كيلو جبنة موتزاريلا
- ظرفين باشاميل
- 2 كيلو حليب
- كركم
- جوزة الطيب
- مرقة دجاج اذا موجود اذا لا 2 مكعب ماجي
- 3 بيض
- 1 بنبدأ بتقلية اللحمة المفرومة : اول شي بنفرم البصلتين وبنقليهن بالزيت ليصفروا شوي وبنزيد الفليفلة المقطعة وبعدين اللحمة المفرومة وبنزيد الملح والبهارات والكمون والفلفل الاسود.
- 2 لما اللحمة تنشف بنبرش الجزرة عليها وبنقطع بندورة عشان تخليها طرية وبنقليها شوي معن
- 3 هلق الباشاميل ولا اسهل بنحط الظرفين والحليب وبنحطن على النار مع جوزة الطيب والكركم وبنضل نحرك لحتى تتقل.
- 4 لما تتقل كتير بناخد.منها صحن كبير تقيلة وبنخفف الباقي بشوية مرقة او ماي وماجي.
- 5 لما يبرد الباشاميل بنزيد على الصحن التقيل بيضة وعلى الاخف بيضتين(لازم يكون برد عشان ما تستوي البيض جواته)
- 6 بنسلق المعكرونة وبنصفيها وبنحط عليها 3/4 الباشاميل و 3/4 اللحمة
- 7 بنحط من الباشاميل التقيل بارضية الصينية وبنحط فوقها نص المعكرونة المخلوطة بالباشاميل واللحمة.وفوقها بنحط باقي الباشاميل واللحمة وشوية موتزاريلا.
- 8 نحط تاني نص من خليط المعكرونة وباقي الباشاميل التقيل وبنحاول تكون متساوية.
- 9 نحطها تلت ساعة بالفرن وبعدين نطلعها ونحط على وجها باقي الموتزاريلا ونتركها لحتى تسوي ممكن تحتاج من نص ساعة لساعة الا ربع بعد.ما نحط الموتزاريلا (ما بنشغل الشواية ابدا وتكون الصينية بالرف يللي بالنص)
- 10 كااااااانت روووعة صحتييين
يجب عليك تسجيل الدخول لتتمكن من التعليق وإضافة تجربتك لهذه الوصفه
